skip to main content
phone facebook email twitter youtube trophy

Ysgol Gyfun Gymraeg Bryn Tawe

Newyddion

Dy Ganllaw i Addysg Gymraeg

Cliciwch isod i ddarllen “Dy Ganllaw i Addysg Gymraeg”, sy’n nodi manteision addysg cyfrwng Cymraeg gan Llywodraeth Cymru. Mae cysylltiadau gwerthfawr i gefnogi rhieni.

Dy Ganllaw i Addysg Gymraeg

Gwybodaeth ‘Show my Homework’

Mae disgyblion blwyddyn 10 ac 11 wedi derbyn llythyr heddiw  gyda manylion am ein ffordd newydd y byddwn yn cofndoi a thracio gwaith cartref ym Mryn Tawe. Byddai modd gwirio’r llythyr, mae eich PIN personol chi(rhieni) a ‘ch plentyn ar y llythyr a bydd angen i chi a’ch plentyn mewngofnodi i’r system newydd yma. Mae’r cyswllt i’r wefan wedi’i nodi isod – cliciwch ar “I’ve been given a PIN to get into my account” ar waelod y tudalen er mwyn mewngofnodi a chreu cyfrif. Ar ol mewngofnodi mae’n bosib lawrlwytho’r app er mwyn tracio gwaith cartref eich plentyn yn haws.

https://www.showmyhomework.co.uk/login?subdomain=bryntawe

Gwahoddiad i Noson Rhieni fl11

Gwahoddiad Noson Rhieni bl11

Llongyfarchiadau mawr i Iwan Beggs  a wnaeth gynrychioli tîm athletau Cymru dan 17 allan yn Nulyn dros y penwythnos diwethaf. Mae Iwan wedi cael llwyddiant ysgubol yn ystod y tymor, yn fuddugol yn y naid uchel ar lefel sirol yn ogystal â dod yn bencampwr Cymru yng ngemau Cymru dros yr wythnosau diwethaf .

Gwobrwyo yn y Senedd

Ar brynhawn Iau, Mehefin 22ain aeth criw o flwyddyn 8 i’r Senedd ym Mae Caerdydd ar gyfer seremoni gwobrwyo Y Rotari. Gwahoddwyd pedwar o ddisgyblion blwyddyn 8 i’r seremoni oherwydd safon uchel eu gwaith, sef Ffion Tomos, Anwen Morgan, Ben Lervy a Jack Thomas. Ysgrifennon nhw ddarnau creadigol a thrawiadol ar y thema ‘Byd o Harddwch’ gan drafod themau a phynciau megis bai ar gam, gwerthfawrogi’r hyn sydd gennym, gwarchod yr amgylchedd , caredigrwydd a dynoliaeth. Galwyd y pedwar i’r llwyfan i dderbyn tystysgrifau gan Rhiannon Passmore AC. Wedi hynny cyhoeddwyd bod Jack wedi dod yn ail yn y gystadleuaeth a dychwelodd i’r llwyfan i dderbyn ei dystygrif a’i wobr. Cafwyd canmoliaeth uchel i waith pob un gan y beirniad. Llongyfarchiadau i bob un, ac yn enwedig Jack!

Taith Bl.10 i weld Shirley Valentine

Gan fod Bl.10 yn astudio cyfieithiad Cymraeg o’r ddrama Shirley Valentine yn eu gwersi Cymraeg ar hyn o bryd, cawsant gyfle i fynd i weld perfformiad o’r ddrama yn Saesneg yn y New Theatre yng Nghaerdydd, ddydd Iau Mehefin 29ain. Perfformiad a fwynhawyd gan bawb!

Taith Bl.8 i Fae Caerdydd

Thema Bl.8 yn y gwersi Cymraeg y tymor hwn yw “Cymru”. Felly, unwaith eto eleni, aeth 50 disgybl ar daith i Fae Caerdydd, ddydd Gwener, Mehefin yr 16eg. Cawsant gyfle i fwynhau taith o gwmpas Canolfan y Mileniwm a thaith o gwmpas y Cynulliad. Heb anghofio, wrth gwrs, mwynhau cinio a hufen ia blasus yn y Bae cyn dychwelyd i’r ysgol.